Honored to be mentioned on Day Day Play! Thanks for coming. We really enjoyed hosting you guys. What a fun day we spent together... Read all about it below or on Day Day Play directly. Share, tag, follow, and visit us at Mulberry Tree 啓智 to see daily updates!
今日去咗Mulberry Tree 啓智試堂，妹妹一句話要返學，令到媽媽突然手足無措，邊度搵學校比你返？要物色地方比你「返學」亦非易事，個個都開哂學，又唔想做插班生花錢買校服書簿，唯有搵下d #蒙特梭利，哥哥之前上過，學習方向好接近我理念。
而Mulberry Tree有別一般蒙特梭利，佢結合Reggio Emilia教學，鼓勵小朋友尋找自己學習方式，更與一般蒙特梭利不同係專注羣體活動，增添互動關係而令小朋友從中互相學習，而知識亦要自己去尋找，非由老師及書本灌輸。
我其實都係一知半解，從來未聽過Reggio Emilia，直到今日體驗完又好似領悟到少少，無規範下小朋友學習空間會更大，當然小朋友亦有d「無所事事」感覺，初初見小朋友班房周圍走，真係有d唔習慣。
而家長教育亦好重要，要放手及尊重老師嘅教學，我好明顯係初哥，乜都插手又成日催促小朋友，老師完全自由咁比小朋友按自己能力速度去進行活動，真係好自在寫意，無人叫行快d、坐直d、執好d⋯⋯個個人唔同何必催呢？
另外食飯亦與別不同，先飲水然後自己裝飯裝餸，食幾多自己決定，食亁淨個碗先裝第二碗，好有趣呀！而家長旁邊觀察，除非老師要你出手，否則就跟老師指示。
而妹妹都好快食完第一碗，要求食第二碗，可惜最後兩㗳開始沉下來，一般我會半小時唔食就收嘢，無謂勉強大家亦辛苦，飽就唔會堅持，直到下一餐亦唔會有零食。
當然老師鼓勵要完成，佢亦好努力去把食物放哂入囗，不過唔吞亦唔可以走出課室，今次真係大檸樂，妹妹含飯可以含到今晚，全部人走哂，足足對持咗半小時，佢最後亦有吞。
我自己亦要消化一下，究竟為咗一㗳飯係咪要咁堅持，我唔知道答案，可能同我以往做法唔同，妹妹反應好驚訝，連我自己亦有d意外，可能依個係一種學習態度，下次知道自己食唔到咁多，會裝少d。
而環境亦係另一個導師，Mulberry Tree絕對係投放好多心機喺學校環境設計，班房亦甘有特式，感覺好welcome舒適，而戶外就連大人都想玩，係小朋友天堂，每一個角落亦可以自主咁玩。
有興趣可以參考佢哋網頁：
http://www.mulberrytree.com.hk/